zgjoi.org është një platformë edukative novatore që bashkon ZgjoiAI GPT dhe TransformaAI GPT, dy asistentë të krijuar për të transformuar mënyrën se si mësojmë dhe mësojmë të tjerët.

Krijuesi i kësaj platforme është Agron S. Dida, inxhinier, kodues, mendimtar, edukator dhe inovator në fushën e arsimit digjital. Me përvojë të gjatë si pedagog universitar dhe menaxher i projekteve të mëdha inxhinierike, si dhe me pasion për artet, gjuhët, kulturat dhe pedagogjinë, ai ka zhvilluar një ekosistem që lidh traditën me të ardhmen e arsimit në epokën e inteligjencës artificiale.

Vizioni ynë

• Të ofrojmë qasje të barabartë në arsim cilësor për çdo nxënës, mësues dhe profesionist.
• Të ndërthurim kurrikulën zyrtare me mundësitë e pakufizuara të të nxënit universal dhe gjithëpërfshirës.
• Të krijojmë ura mes gjuhëve, kulturave dhe sistemeve arsimore përmes përkthimit dhe shumëgjuhësisë.
• Të nxisim kreativitetin, mendimin kritik dhe bashkëpunimin si themel i një shoqërie të dijes.
• Të çojmë përdoruesit nga të nxënit drejt të bërit – për një arsim që transformon jetën.

Misioni ynë

Të fuqizojmë nxënësit, mësuesit dhe komunitetet akademike me mjete të zgjuara që i bëjnë mësimin, mësimdhënien dhe zhvillimin personal më të qasshëm, më të përshtatshëm dhe më frymëzues.

Falënderime

Me këtë rast, shpreh respektin tim më të thellë dhe i falënderoj Ylber Cërvadikun (dizajner grafik) dhe Sharr Bujarin (webmaster asistent) për kontributet e tyre në realizimin e këtij projekti.

Gjithashtu, një falënderim i veçantë shkon për familjen time të mrekullueshme, Jetën, Bardhën dhe Mentorin dhe posaçërisht gruan time Kimeten për mbështetje, inkurajim dhe durim të treguar ndaj meje gjatë punës gati 11 vjeçare me Zgjoi.